پریس ریلیز
آئی ایس ایس آئی کی یوتھ پارلیمنٹ اور میڈ ان پاکستان کارپوریٹ کلب کے وفد کی میزبانی
20 اکتوبر 2026
انسٹیٹیوٹ آف اسٹریٹیجک اسٹڈیز اسلام آباد (آئی ایس ایس آئی) نے یوتھ پارلیمنٹ کے ایک وفد کی میزبانی کی، جس کی قیادت یوتھ پارلیمنٹ کے بانی اور چیئرمین جناب رضوان جعفر کر رہے تھے۔ یہ دورہ یوتھ پارلیمنٹ کے ایک سالہ قائدانہ اور سیاسی تربیتی پروگرام کا حصہ تھا اور اس نے نوجوان شرکاء کو تحقیق، پالیسی تجزیہ اور بین الاقوامی امور میں آئی ایس ایس آئی کے کام کے بارے میں جاننے کا موقع فراہم کیا۔
آئی ایس ایس آئی میں چائنا-پاکستان اسٹڈی سینٹر (سی پی ایس سی) کے ڈائریکٹر ڈاکٹر طلعت شبیر نے وفد کو انسٹیٹیوٹ کے مقاصد، تحقیقی سرگرمیوں اور قومی و بین الاقوامی اداروں کے ساتھ روابط کے بارے میں بریفنگ دی۔
ڈائریکٹر جنرل آئی ایس ایس آئی سفیر معین الحق نے بھی تعاملی نشست میں شرکت کی اور شرکاء کی جانب سے عصری اسٹریٹیجک اور بین الاقوامی امور پر اٹھائے گئے مختلف سوالات کے جوابات دیے۔ انہوں نے نوجوانوں کو سیکھنے، روابط اور قائدانہ صلاحیتوں کی ترقی کے مواقع فراہم کرنے کے لیے یوتھ پارلیمنٹ کی کوششوں کو سراہا۔
دورے کا اختتام یادگاری تحائف اور آئی ایس ایس آئی کی مطبوعات کے تبادلے کے ساتھ ہوا-
