پریس ریلیز – آئی ایس ایس آئی کی ایمبیسڈر اعزاز احمد چوہدری کے اعزاز میں الوداعی تقریب۔

1019

پریس ریلیز
آئی ایس ایس آئی کی ایمبیسڈر اعزاز احمد چوہدری کے اعزاز میں الوداعی تقریب ۔


خصوصی طور پر منعقدہ تقریب میں، انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) نے ایمبیسڈر اعزاز احمد چوہدری کو بطور ڈائریکٹر جنرل مدت ملازمت پوری ہونے پر الوداع کیا۔

ایمبیسڈر اعزاز چوہدری نے جون 2018 میں آئی ایس ایس آئی میں شمولیت اختیار کی، پاکستان کی فارن سروس سے ریٹائرمنٹ کے بعد امریکہ میں سفیر اور اس سے قبل سیکرٹری خارجہ کے طور پر خدمات انجام دیں۔

ان کے دور میں، انسٹی ٹیوٹ نے وسیع پیمانے پر اصلاحات کیں، انفراسٹرکچر کو بہتر کیا، اور چار سنٹرز آف ایکسیلینس قائم کیے۔ ایمبیسڈر چوہدری نے کئی نئے اقدامات شروع کیے اور ادارے کی پالیسی سے  متعلق تحقیق کو منظم کیا۔

اس موقع پر خطاب کرتے ہوئے ڈاکٹر طلعت شبیر، ڈائریکٹر ایڈمن/سی پی ایس سی، ملک قاسم مصطفی، ڈائریکٹر (اے سی ڈی سی)، محترمہ آمنہ خان، ڈائریکٹر (کیمیا)، ڈاکٹر ارشد علی، ڈائریکٹر (آئی ایس سی)، ڈاکٹر نیلم نگار۔ ، ڈائریکٹر (سی ایس پی)، اور کئی دیگر ریسرچ فیلوز/ریسرچ ایسوسی ایٹس نے ایمبیسڈر چوہدری کے ساتھ اپنے بھرپور کام کے تجربات کا ذکر کیا اور ان کی قیادت میں تحقیق اور مکالمے میں حاصل ہونے والی پیش رفت پر روشنی ڈالی۔

آئی ایس ایس آئی کے بورڈ آف گورنرز کے چیئرمین ایمبیسڈر خالد محمود نے ادارے کی تحقیقی سرگرمیوں کے معیار کو بڑھانے کے ساتھ ساتھ اس کے آؤٹ ریچ اور پالیسی سے متعلق ادارے کو بڑھانے میں ایمبیسڈر اعزاز چوہدری کے کردار کو سراہا۔ انہوں نے ادارے میں کی جانے والی انتضامی تبدیلیوں پر ان کے کردار کو بھی سراہا۔ ایمبیسڈر خالد محمود نے مزید کہا کہ ایمبیسڈر چوہدری اپنے آئی  ایس  ایس  آئی کے ساتھیوں کے لیے ایک اثاثہ تھے۔

سابق سیکرٹری خارجہ اور آئی ایس ایس آئی کے نئے ڈائریکٹر جنرل، ایمبیسڈر سہیل محمود نے ایمبیسڈر اعزاز چوہدری کی کاوشوں کو سراہا جس کی وجہ سے ادارے کے مقام میں اضافہ ہوا اور اس عزم کا اظہار کیا کہ اس کام کو اجتماعی کوششوں سے آگے بڑھایا جائے گا اور مزید وسعت دی جائے گی۔ ایمبیسڈر اعزاز چوہدری کو ان کی مستقبل کی کاوشوں کے حوالے سے نیک خواہشات کا اظہار کرتے ہوئے، ایمبیسڈر سہیل محمود نے امید ظاہر کی کہ ادارہ ان کے تعاون اور دانشمندانہ رہنمائی سے مستفید ہوتا رہے گا۔

اپنے اختتامی خطاب میں، ایمبیسڈر اعزاز چوہدری نے ڈی جی آئی ایس ایس آئی کے طور پر اپنے دور کے بارے میں خوشگوار انداز میں بات کی۔ انہوں نے کہا کہ محنتی ریسرچ فیکلٹی اور انتظامیہ کا عملہ انسٹی ٹیوٹ کے لیے تقویت کا باعث ہے۔ انہوں نے مزید کہا کہ انسٹی ٹیوٹ اپنے تحقیقی کام اور باقی اداروں سے رسائی کی کوششوں میں نئی ​​بلندیوں کی طرف گامزن ہے۔ ایمبیسڈر اعزاز چوہدری نے اپنی ٹیم کے ارکان کی لگن اور کاوشوں کو سراہا اور بطور ڈائریکٹر جنرل اپنی ذمہ داریاں نبھانے میں ان کے قابل قدر تعاون پر ان کا شکریہ ادا کیا۔

تقریب کے اختتام پر چیئرمین آئی  ایس  ایس آئی ایمبیسڈر خالد محمود کی جانب سے ایمبیسڈر اعزاز چوہدری کو خصوصی سووینئر پیش کیا ۔