پریس ریلیز
انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) پاکستان اور اے ڈی اے یونیورسٹی، آذربائیجان کے انسٹی ٹیوٹ فار ڈویلپمنٹ اینڈ ڈپلومیسی (آئی ڈی ڈی) کے درمیان مفاہمت کی یادداشت پر دستخط۔
انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) کی نمائندگی ڈائریکٹر جنرل ایمبیسڈر سہیل محمود اور اے ڈی اے یونیورسٹی، آذربائیجان کے انسٹی ٹیوٹ فار ڈویلپمنٹ اینڈ ڈپلومیسی (آئی ڈی ڈی) کی نمائندگی ڈائریکٹر ڈاکٹر فریز اسماعیل زادے نے کی،جس میں آج ایک ورچوئل تقریب میں ایک مفاہمت کی یادداشت پر دستخط کئے۔
اس موقع پر اظہار خیال کرتے ہوئے آذربائیجان میں پاکستان کے سفیر بلال حئی نے تجویز پیش کی کہ دونوں اداروں کو اپنے تعلقات کو مضبوط بنانے کے لیے مستقبل کا روڈ میپ تیار کرنا چاہیے جس میں ریسرچ فیلوز کے باہمی تبادلے بھی شامل ہیں۔ انہوں نے سفارش کی کہ دونوں فریق باہمی دلچسپی کے موضوعات جیسے علاقائی رابطے، اسلامو فوبیا، موسمیاتی تبدیلی، علاقائی سلامتی کے مسائل اور تنازعات پر تحقیقی تعاون شروع کر سکتے ہیں۔
پاکستان میں آذربائیجان کے سفیر، سفیر خضر فرہادوف نے دونوں اطراف کی لگن اور کوششوں کو سراہتے ہوئے کہا کہ دونوں ادارے دو طرفہ تعلقات اور علاقائی خوشحالی کو مضبوط بنانے کے لیے فکری گفتگو اور پبلک ڈیبیٹ کے آغاز میں اہم کردار ادا کر سکتے ہیں۔ وہ اپنی مشترکہ تاریخ، ثقافت اور اقدار کو فروغ دینے کے لیے ہاتھ جوڑ سکتے ہیں۔ انہوں نے انسداد دہشت گردی اور غلط معلومات کے لیے مشترکہ سرگرمیوں کے انعقاد پر زور دیا۔
اس موقع پر اپنے تاثرات میں سفیر سہیل محمود، ڈائریکٹر جنرل آئی ایس ایس آئی نے ایم او یو پر دستخط کو سراہا۔ انہوں نے زور دے کر کہا کہ پاکستان اور آذربائیجان کے درمیان دوطرفہ تعلقات انتہائی برادرانہ ہیں اور بین ریاستی تعلقات کی مثال پیش کرتے ہیں۔ دونوں فریق اپنے قومی مقاصد میں ایک دوسرے کی حمایت کرتے ہیں، جیسے کشمیر اور کاراباخ۔ انہوں نے جموں و کشمیر پر او آئی سی رابطہ گروپ میں آذربائیجان کی حمایت کو سراہا۔ انہوں نے مزید کہا کہ دوطرفہ تعلقات میں قابل قدر اضافہ ہوا ہے، جب کہ تجارت، توانائی، ثقافتی اور عوام سے عوام کے رابطوں، انسداد دہشت گردی، اور غلط معلومات کا مقابلہ کرنے سمیت اہم دلچسپی کے موضوعات پر مستقبل میں تعاون کے وسیع امکانات موجود ہیں۔
انہوں نے آذربائیجانی قوم کی خودمختاری اور علاقائی سالمیت کے تحفظ کے لیے منصفانہ مقصد اور قربانیوں کے فروغ کے لیے اپنا پلیٹ فارم فراہم کرنے کے لیے آئی ایس ایس آئی کے عزم کا اعادہ کیا۔ ڈی جی آئی ایس ایس آئی نے اس اقدام کو پایہ تکمیل تک پہنچانے میں قیمتی تعاون پر دونوں سفیروں کا شکریہ بھی ادا کیا۔
اے ڈی اے یونیورسٹی کے وائس ریکٹر ڈاکٹر فرز اسماعیل زادے نے اپنے خیالات کا اظہار کرتے ہوئے آئی ایس ایس آئی کے لیے گہرے تشکر کا اظہار کیا۔ انہوں نے کہا کہ پاکستان اور آذربائیجان برادر ملک ہیں جو سیاسی، اقتصادی اور سفارتی طور پر ایک دوسرے کی حمایت کرتے ہیں۔ انہوں نے کہا کہ دونوں ممالک انسانی ہمدردی اور تعلیمی شعبوں میں اپنے تعلقات کو مزید گہرا اور وسعت دینے کی کوشش کر رہے ہیں۔
